Laventel en Heuning : Skoonheid lê in eenvoud

Saterdag 05 Oktober 2013

Skoonheid lê in eenvoud

dit hét ons al gehoor:

maar met gewone woorde

het jy my siel bekoor

- Uittreksel uit 'Prost' - Elizabeth Kendall

Een van my waterverf Varkore met 'n gedig van Elizabeth

Woorde - sing saam!

Luister na die geluid van reëndruppels op ‘n sinkdak

Die lied van paddas wat saamsing in ‘n koor

Luister hoe die wind ‘n boom laat kreun en kraak

Dis die lied van die natuur wat jy daar hoor
.

Daar is musiek oral om ons heen

En al wat jy moet doen is om te luister

Somtyds die ore spits

Want baiemaal is die liedjie net ‘n fluister

Soos ‘n bries wat speel oor ‘n koringland

‘n Kriekekoor op ‘n warm someraand

Luister laat die geluide jou bekoor

Want dis die lied van die natuur wat jy daar hoor
.

Aan die punt van die vallei hoog in die berge

Woon daar ‘n eggo alleen in ‘n klipspelonk

Elke liedjie wat hy hoor sal hy uitkoggel

Hy doen dit meesterlik vanuit sy tronk
.

Daar is musiek oral om ons heen

En al wat jy moet doen is om te luister

Somtyds die ore spits

Want baiemaal is die liedjie net ‘n fluister

Soos ‘n bries wat speel oor ‘n koringland

‘n Kriekekoor op ‘n warm someraand

Luister laat die geluide jou bekoor

Want dis die lied van die natuur wat jy daar hoor

Luister laat die geluide jou bekoor

Want dis die lied van die natuur wat jy daar hoor

Gesing deur : Laurika Rauch. Woorde en Musiek: Johan Wessels (Kupido)

Pages